الرئيسية / أخبار عاجلة / عادل عبد الله يكتب .. هاني شاكر امير الغناء ولا امير الانتقام؟
FB_IMG_1600410410402

عادل عبد الله يكتب .. هاني شاكر امير الغناء ولا امير الانتقام؟

يا استاذ هاني انت امير الغناء العربي وانت تاريخك في الغناء بصراحة مشرف لكن فجاء حسستني انك امير الانتقام وعايز تنتقم من مطربين المهرجانات وخلاص وواخد الموضوع علي صدرك وبقي عند وتحدى ..  بص يا أمير أبيت ام وافقت الناس دى بقت موجودة وفرضت نفسها  وبقي ليهم جمهور علشان كدة كنت لازم تحل مش تمنع  تستفيد منهم مش تدبح.

واهدا كدة وروق علي نفسك بفنجان قهوة مظبوط واجتمع مع خبراء المزيكا في مصر زى محسن جابر أو طارق عبد الله أو نصر محروس أو حسين عثمان أو نصيف قزمان يعني عندك كتير واقعد معاهم وشوف رأيهم ايه في الموضوع والحل هيكون ازاى  .الناس دى عندهم فكر ومزيكتهم معترف بيها في كل العالم اللى بيسموها اندر جراوند   بس عايزين قائد  يوعيهم وانت كنت المفروض تبقي القائد لكن مسكت السكينة  بتسخين من بعض رجالتك في النقابة اللى  ليهم مصلحة في التسخين    وتحولت  من امير الغناء إلى امير الانتقام اللى طالع من السلخانة وقعدت تدبح فيهم يا ريس استفيد منهم وانت نفسك بتقول النقابة داخلة علي إفلاس   وهم دلوقتي اللى شغالين يعني لو كنت استفدت من حفلاتهم اللى بيعملوها برة وجوة كنت انعشت خرنة  نقابتك     اعملهم شروط اعملهم لائحة اعملهم نظام واللى يخالف يطلع برة

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>