الرئيسية / أخبار عاجلة / ضربة معلم …. بقلم الناقد الفنى عادل عبد الله
احمد السبكى

ضربة معلم …. بقلم الناقد الفنى عادل عبد الله

 الضربة المرة  دى عايز اضربها لاى حد  حافظ للاسف   ومش فاهم يعنى لما يجى حد ويشوف فيلم  فى كام مطرب   وراقصة وشوية اغانى مهرجانات يقولك الفيلم دة من انتاج السبكى    وتلاقى الفيلم دة من انتاج شركة تانية مثلا زى شركة دولار  او غيرها اللى حبوا يعملوا شوية افلام تكلفتها قليلة لكن للاسف وقعوا  وراحوا فى داهية لان صحيح السبكى ساعات بيعمل افلام  فيها كام مطرب زى سعد الصغير او الليثى او ريكو او غيرهم بس بيعملها بخلطة ما حدش بيعرف يعملها زيه وبيبقى عارف رايحة لاى جمهور وعارف ازاى تجيب ايرادات كبيرة  وعارف كمان الجمهور عايزها امتى  . المهم انا عايز اقول لاى حد بيضرب وخلاص وهو مش فاهم الضربة جيه فين ان احمد السبكى منتج من الناحية الشخصية انسان طيب جدا وخير جدا وفاهم جدا هو بيعمل ايه  وفاهم  كل شريحة من الجمهور عايزة ايه  وكفاية انه ساعة سنين الثورة كل المنتجين هربوا وبعضهم طلع فلوسه بره وبعضهم قرر العيش فى دبى والبعض قال هعيش فى امريكا لغاية ما يشوف الدنيا هترسى على ايه واللى عمل كدة اسماء كبيرة منهم كامل ابو على وهشام عبد الخالق واسعاد يونس وشركة جود نيوز لكن هو ما هربش زيهم وقال يلا نفسى .لا قرر الانتاج والمغامرة وبصراحة ربنا كرمه بكام فيلم وكسب فيهم جدا منهم عبده موته مش بس كدة هو ساهم فى صناعة نجم فى عالم الفن هو محمد رمضان وكان سبب فى ان عدد كبير من العاملين فى الصناعة ما يفلسوش مش بس كدة كمان هو عمل افلام نجحت مع الجمهور نجاح كبير زى الفرح وكباريه وساعة ونص وقبلهم عمل لاحمد زكى مستر كاراتية وسواق الهانم وعمل كمان امراة هزت عرش مصر  والليمبى وغيرهم يعنى اللى بيقول احمد السبكى  بيعمل افلام مقاولات اقوله هو يعنى لازم يعمل افلام يتفرج عليها 50 واحد ويخسر فيها عشان تنبسطوا

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>