الرئيسية / أخبار عاجلة / رسالة رنا سماحة لاعداء النجاح
رنا

رسالة رنا سماحة لاعداء النجاح

كتب النجمة الشابة رنا سماحة رسالة لاذعة لاعداء النجاح الذين يتتبعون خطوات نجاحها وينتقدونها فقالت :

انا رنا سماحه في ٤ سنين خرجت من برنامج staracademyالموسم التاسع
ولله الحمد في ال٤ سنين دول

كمطربه
عندي اكتر من ١٥ اغنيه وڤيديو كليب معظمهم إنتاجي ومجهودي الشخصي والبومي الي هو برضو من إنتاجي هينزل خلال الأيام اللي جايه
حفلاتي (ناجحه والحمدلله )جوه وبره مصر

كمذيعه

قدمت برنامجين tv على قناة الcbc
و٤ برامج راديو مع زميلي وصديقي مينا عطا على الراديو الأهم ف مصر الراديو ٩٠٩٠

كممثله

عملت مسلسلين اول مسلسل كان أزمة نسب بطولة النجمه زينه والنجم محمود عبد المغني والتاني كان بطولتي مع الفنان مصطفى ابو سريع والتالت هيعرض خلال ايّام
افراح ابليس ٢
وحالياً بعرض مسرحية استعراضية غنائيه اسمها
كوميديا البؤساء الي هي بطولتي برضو مع الزملاء رامي الطمباري ومحمود عزت والمسرحية دي انتاج البيت الفني للمسرح يعني مسرح الدوله واختيرت للعرض ضمن عروض المهرجان القومي للمسرح

واعتقد الحاجات دي كلها كنتوا بتكتبوها عنها وبتكلموني عشان تعملوا معايا لقاءات وحوارات صحفية وانا بحترم جدا الصحفي الشاطر المجتهد وعمري ما قفلت ف وش اَي حد من الناس المحترمه دي بالعكس لكن للاسف في شوية مرتزقه في المهنه دي محتاجين استئصال لأنهم عار عليها عشان مش مل حد كتب كلمتين بقى صحفي ابدا

حضرتك بقى انتي وهي وهي يا تافهين يا فاشلين عملتوا ايه ف ال ٤سنين الي فاتوا؟؟؟
لو اعتبرت إنكم مش عارفين بتكرم ليه
ده عشان حضرتك صحفيه فاشله وانتي مراسله فاشله وانتي مذيعه على ما تفرج روحوا ذاكروا على الأقل

مش أي تكريم بروحه ولا أي حاجه بقبلها وخلاص
اتكرمت مرتين في New York كأفضل مطربه شابه وصاعده في الشرق الأوسط بناءً عن تصويت الجمهور big Apple Music award وgolden panther music award
واتكرمت كمان في قبرص من Enmoda كأفضل مطربه شابه قي الشرق الأوسط برضو بتصويت الجمهور
ده غير التكريمات والجوائز المهمه الي أخدتها من مصر زي Mema و dear guest وغيرهم الي برضو معتمدين على تصويت الجمهور
فلما جمهوري يكافئوني على شغلي ونتاج تعبي ده حضراتكم متضايقين ليه؟!!!
لا روحت اتكرمت من مهرجان ام احمد الي تحت السلم ولا روحت اشتريت ودفعت عشان اخد جوايز

احترموا نفسكم وبدل ما انتوا مستكترين النجاح وحب الناس فكروا ازاي تشتغلوا وتنجحوا عشان تاخذوا جوايز زيي

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>