الرئيسية / أخبار عاجلة / عادل عبد الله يكتب ………..ليه اسامه ابوزيد؟
888888888888

عادل عبد الله يكتب ………..ليه اسامه ابوزيد؟

  بصفتى واحد من اعضاء نادى الشمس العريق وقريب من الاحداث  حبيت اكتب  المرة دى عن  واحد فى كام شهر خلى النادى بقى حاجة تانية خالص  خلى الاعضاء اللى ما كنتش بتيجى النادى من 10 سنين ترجع للنادى وتنبسط ان ناديهم بقى بالشكل الجميل دة  رغم الحروب والقضايا والايادى الخفية اللى بتضرب فيه من كل مكان .وهو اسامة ابوزيد  الراجل دة بيحب نادى الشمس بجد من قلبه وان اتفقت او اختلفت مع كلامى فا دة حرية شخصية الراجل نائب رئيس تحرير الاخبار وصحفى  كبير وله تاريخ ناصع البياض واعلامى مخضرم وسايب كل حاجة بسبب حبه لنادى الشمس رغم انه كان ممكن يتعاقد مع اى قناة فضائية  لتحليل مباريات الدورى او يعمل له برنامج رياضى بمبالغ كبيرة لكنه رمى كل دة ورا ضهره وفاتح مكتبه  فى النادى 24 ساعة لحل كل مشكله كبيرة وصغيرة فى النادى وبيفكر ازاى يريح العضو وازاى يعمل حاجة تتكتب فى تاريخ النادى مش زى بعض الروساء السابقين اللى كانوا بيقعدوا فى مكاتبهم عشان يكلوا ويناموا ويستغلوا النادى فى اى حاجة ولانه بيراعى ربنا مش بيغمض عينه على اى غلط وبيحاسب المخطأ ايا كان مين وبدء فى تصحيح الاوضاع فى النادى والموظفين اللى كانوا بيقبضوا وهما نايمن فى بيوتهم ابتدوا يشتغلوا لان اللى مش هيشتغل مش هيبقى له مكان فى النادى واصحاب المصالح هربوا لان اكتشفوا ان  جالهم بعبع  اسمه اسامة مش هيسبهم يعملوا مصالح من ورا النادى لانه راجل بيخاف ربنا وايدوا نضيفة ومحدش كاسر عينه ورغم الحرب اللى بيشنها اصحاب المصالح والباحثين عن  الشهرة او اى سبوبة الا ان هو ومجلسه بيشتغلوا وبينجزوا واللى مش شايف المستوى والرقى اللى وصل له النادى اقوله تعالى وشوف  واتأكد بنفسك .ولو بتحب النادى مد ايدك وساعد مش احنا فالحين نكتب كل يوم على الفيس اى كلام نهاجم به المجلس ونحبطهم وخلاص ونتصيد لهم الاخطأ عشان مصالحنا الشخصية وبعدين اللى شايف ان الاصلاحات ونضافة النادى وتجديده دى مش انجازات وواجب هفترض ان دة صح بس على الاقل انه اخد قرار ونفذه مش ايده مرتعشة زى باقى الروساء اللى كانوا مش بينفذوا اى قرارات وكانوا نايمين فى ميه البطيخ . بصراحة النادى كل يوم فى تقدم وكل يوم بنشوف حاجات جديدة بتتعمل وبنشوف فى فكر واهتمام بكل شىء ودة هو اللى عايزينه فى نادينا ولما نشوف اى حاجة مش بتعجبنا فى النادى دة وارد وبيحصل فى اى نادى بس لما نسبة الحاجات الوحشة تقل بهذه الدرجة اكيد يبقى فى تعب وجهد وناس وراء الكلام دة لان الناس اللى شغالة فى النادى هى هى من 30 سنة لكن اللى بيتغير الناس اللى بتعرف تشغلهم المرة الجاية هقولكم بالارقام وبالتفاصيل المجلس دة دخل للنادى كام ووفر كام وعمل ايه بالظبط

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>